Kacarioskeun
dihiji lembur dilamping gunung, di lembur Jogjogan Sukamakmur, kapungkur mah
lembur iyeu teh tebih tiditu ti diyeu. Teu aya warung, ka pasar tebih ka kota
komo deui. Jalanmah aya mung jalan satapak wungkul.
Di lembur eta
aya hiji kulawarga anu beunghar, Anak lima, Kebon sareng sawahna lega, ternak
sagala aya di sababaraha kandang. Harta Banda Kakayaanana bru di juru bro di
panto ngalayah ditengah imah teh nyaan, Anu janten
Bapa hoyong nguji tepi ka mana rasa cinta anak-anakna teh. Dina hiji waktos si
Bapa teh ngumpulkeun anak-anakna. Naros pangpayuna teh ka si bungsu.
“Anaking, diantara anu dipiboga ku bapa,
naon anu pang dipikanyaah ku Hidep?”
Si bungsu
langsung ngawaler, “Anu pang dipikanyaah ku abdimah Ema. Da upami teu aya Ema
mah rumah tangga teh moal ka urus. Salian ti ngurus imah, ngurus anak, Ema
masih bisa ka sawah mantuan Bapa.”
Si Bapa
ngerutkeun halis, Hmmm hartina iyeu budak bisa ngawarisan sifat Ema dimana Ema
tos teu aya dikiyeuna. Ema teh emang hiji wanoja anu pantes dipikanyaah ku
kahadeanana, kageulisanana, kaparigelanana, kacerdasanana jeung sajabana. Alus,
Sibungsu pantes dipikanyaah.
Ngalieuk ka
pangais bungsu sami ditaros. Si Pangais bungsu ngawaler “ Anu pang dipikanyaah
ku abdimah Ternak pa. Da upami teu aya kebo mah sawah kumaha? Moal tiasa panen
meureun? Kitu deui Sapi, hayam, Embe lamun teu dipikanyaah ku abdi pasti teu kaurus
terus pararaeh, matakna abdimah nyaah pisan ka ternak teh”
Si Pangais
bungsu resep ka binatang ternak, Alus, hartina ternak anu sakitu lobana pasti
kageroh. Gerentes hate si Bapa. Neuteup anak ka tilu.
“ Anu pang
dipikanyaah ku abdimah pakulian abdi. Abdi resep kuli kamana-mana ngumpulkeun
upah, lain ngaragrageun darajat Bapa tapi abdimah gaduh emutan upami abdi tiasa
ngahasilkeun upah tina pakulian, eta hartina harta banda pakaya bapa teh moal
kacoceng tapi malah nambahan, kitu sanes
pa?”
Hmmm anak
katilu boga kayakinan jeung kahayang anu keyeng. Alus, eta hartina bisa ngajaga
naon anu bakal diwariskeun. Kitu anu aya dina emutan si Bapa.
Anak ka dua
laju ngawaler “Anu pang dipikanyaah ku abdimah, Kebon sareng sawah pa. Da kebon
sareng sawah mah ngahasilkeun kaperluan dahar urang. Pan kadaharan mah penting
keur kahirupan urang.”
Alus, hartina
kebon jeung sawah teh moal kalantarkeun lamun kitu mah. Kitu anu kapikir ku si
Bapa, ngareret ka si Cikal.
Si Cikal
ngeluk tungkul, rada lami ngawalerna.
“Cing waler!
Naon anu pang dipikanyaah ku hidep
anaking?”
Si Cikal
ngarahuh narik nafas panjang, asa abot bade ngawaler teh.
“Bapa, punten
sateuacana, sagala anu disebatkeun tadi teh leres oge dipikanyaah ku abdi, tapi
anu pang dipikanyaah kuabdi mah nyaeta UYAH.”
Gebeg atuh! Si
Bapa teh ngagebeg kaget kabina-bina. Naha
ceunah sagala kahormatan dunya teh teu aya hartina eleh pamor teu pira kadar ku
uyah?
“Emh aya
kukituna nya? Eta hartosna sagala anu aya diimah iyeu teh darajatna langkung
rendah tibatan uyah.”
“Abdi teu
pisan-pisan gaduh maksad kitu Bapa, abdimah mung ukur jujur tina sanubari da
leres anu pangdipikanyaah ku abdimah uyah.”
Ngadangu kitu,
Si Bapa langkung amarah wae. Kajujuran anu nganyerikeun hate pikeun dirina. Teu
tatapa sini deui, Si Cikal diusir ti imah eta.
Reup poe
datang bulan, beak bulan ganti taun, tutup tahun tepi ka taun deui, lami ku
lami, di lembur jogjogan teu aya anu gaduheun uyah. ka pasar tebih, teu aya
warung, teu aya nu ka kota ,
nya akhirna uyah teh leungit di lembur eta mah.
Dina hiji
mangsa datang saurang aki-aki ka lembur eta. Si aki teh keur ngalalana tafakur
di hiji gunung di caket lembur eta nyaeta gunung batu, sarengsena tafakur
mujasmedi ka Numaha suci Numaha tunggal, anjeuna turun gunung, nyemah ka hiji
imah jalma beunghar anu pernah ngusir anakna anu Cikal.
Kadongkapan si
Aki dibagyakeun ku kasomeahan, disuguhan
di layanan di hormat ku pribumi. tuangeun sagala aya disuguhkeun.
Bakakak hayam, pais gurame, sayur asem, sambel , pokonamah sagala anu aya di
suguhkeun.
Si aki
nganuhunkeun pisan, anjeuna ngalimed wae barang tuang, sanaos si aki sadar aya
nu aneh tina sagala tuangeun anu disuguhkeun teh rasana kurang ni’mat, lauk asa
lauk, hayam asa hayam sayur asa kukuluban, sambel lada wae wungkul nu aya, asa
kurang naon….. hambar! Teu aya sari asin anu matak nikmat kadaharan. Pasti teu
diuyahan masakna, tapi si aki tetep barang tuang sagala di comot kuhawa lapar
sareng ngahormat anu ngajamu.
Disela-sela
balakecrakan, si aki naros ka pribumi
“ Sateuacana
hapunten, aki teh teu gaduh maksad nanaon, sanes nyempad masakan, Naha kunaon sagala masakan
anu di suguhkeun ka aki teh rasana hambar? Masakna teu diuyahan lain?”
Pribumi liren
barang tuangna, kalahka curucud wae bijil cipanon, asa gaduh dosa anu pang ageung
ageungna dosa kumargi tos ngusir Si Cikal anu mikanyaah ka hiji barang anu teu
pira tapi sakiyeu pentingna upami eta barang teu aya.
Ningali
pameunteu pribumi alum, si aki tambah langkung heran sarta panasaran, aya naon
iyeu teh?
“Sok
caritakeun ka aki aya naon sabenerna? Aya kajadian naon?”
Bari dareda,
pribumi ngajelentrekeun kumaha awal kajadian nu matak jadi sebab uyah siga
ngaleungit di lembur eta.
Ngadangu kitu
si aki unggek-unggekan, kahartos ari kitumah. Gerentes hatena.
“Naha ayeuna tos sadar yen
ulah ningali hiji hal tina bentuk wujud rupa, tapi tingali fungsi nilaina, ulah
teuing ngagugulung harta banda tapi aya anu langkung penting ti eta, hal anu
leutik anu ngajadikeun hal gede teu aya hartina. Contona uyah, pestapora
balakecrakan kadaharan sagala aya geuning teu aya uyah mah rasana kirang
ni’mat. Uyah mah emang leutik, tapi tingali sumber uyah anu sakita luas legana
nyaeta laut. Hartina uyah teh leutik tapi sumberna luas pisan, tangtu lamun
sumberna luasmah bakal ngahasilkeun anu loba tur mangfaat. Kitu deui pamingpin,
pamingpin moal aya hartina lamun teu aya rakyat leutik anu di pingpina. Si
Cikal teh boga sifat anu luhur mulia , sifat pamingpin anu nyaah ka rahayat
leutik. ”
Pribumi ngeluk
tungkul ngaraos isin namung ngaraos sagala anu diucapkeun ku si aki teh leres.
“Hayu urang usaha.
Mudah-mudahan anu Maha Suci ngidinan urang ikhtiar, mudah-mudahan naon anu
dimaksad ku urang ngadatangkeun hasil.”
Tadinamah
pribumi teh teu ngartos naon anu dimaksad ku si aki. Naon atuh maksadna?
“ Tah di
diyeu, guarkeun pasir jeung leutakna, bendung
tepi ka jadi ngumpul caina siga sumur kobak sareng cai ti luar kobak
iyeu teu lebet deui ka kobak, siuk caina! Ulah dileueut, tapi sok panaskeun ku
seuneu dina ketel. Taheur tepi ka caina saat. Mudah-mudahan pangabutuh urang
diyeu kacumponan.”
Atuh gura-giru
pribumi ngajalankeun pituah si aki. Ngala cai di kobak tempat anu di tuduhkeun
ku si aki terus di taheur tepi ka caina saat.
Cai anu di
taheur teh saat tapi sanes tutung malah nyesakeun pasir bodas anu siga uyah,
diasaan asin da emang uyah atuh.
Bakating ku
bungah pribumi ngahaturkeun nuhun pisan ka si aki, tapi si aki tos teu aya duka
ngaleos kamana. Saha ari aki-aki anu nuduhkeun tempat cai kobak sumber uyah teh?
Nyaeta taya sanes iwal ti Pangeran Sake/Shoheh Citeureup.
Nyebar khabar
warta barita yen di lembur jogjogan aya hiji tempat sumber cai sumur kobak anu bisa
dijadikeun uyah. Atuh ngantri rahayat jogjogan anu butuh uyah teh. Ngadaramel
uyah sacekapna pikeun kabutuhan sadidinten.
Zaman
ayeunamah lembur jogjogan tos teu janten lembur bau lisung deui tapi tos caket
ka pasar seueur warung ka kota oge tiasa. Biaya ngadamel uyah ti cai kobak
sumber uyah langkung awis tibatan meser uyah di warung. Tapi sejarah cai kobak
sumber uyah moal leungit ti jogjogan. Komo urang jogjogan anu pernah ngadaramel
uyah ti eta cai mah.
Tapak tilas
tempat cai kobak sumber uyah teh masih aya keneh di hiji tempat disisi walungan
di lembur jogjogan.
Photo daerah
tempat cai kobak sumber uyah
Tempat iyeu
ngajadikeun ciri yen di tempat iyeu cai ulah tepi ka saat tapi kedah di
tampung, dikeumpelkeun atanapi di bendung. Hiji bendungan kedah dibangun di
tempat iyeu. Naon gunana bendungan di diyeu? Gunana pikeun nampung cai, pikeun kabutuhan
sadidinten, pikeun kamakmuran rahayat dibidang pertanian khusus didaerah
sakitarna.
Saha anu tiasa
ngadamel bendungan di iyeu tempat? Nyaeta hiji jalmi anu gaduh kakuatan,
kapercayaan, kapamingpinan , kaelmuan sareng widi ti numaha suci pikeun
ngabangun bendungan eta. Naha aya jalmi anu model kitu? Anging alam anu uninga.
Lucky Club Casino Site Review
BalasHapusLucky Club Casino has over 1,000 slots and video luckyclub.live poker games and we couldn't have been more excited about our customers Rating: 5 · Review by Lucky Club Casino